دنية بنت
Wednesday, February 6, 2008
دنيتي
بتمشى بين المدونات وعماله أفكر في مدونتي القديمة .. بلاقي فيها تعليق كل فين وفين .. وبحسد الناس التانية اللي عندها أكتر من 3 تعليقات
قعدت أفكر إيه السبب في كده .. واكتشفت إني عايشه في دنيتي.. مافهاش حد غيري.. ولو حد خبط على شباكي بجري عشان أفتحه من غير مابص منه .. مش عشان شباكي قزاز لاء .. عشان بحب الناس ..
كنت بقرأ أفكار ناس كتيره .. بتعكسلي شخصيتهم .. بس ..
وعرفت برضه إن المدونة اللي بتبقى بالعربي .. أقربلي ..
المدونة دي عملتها عشان أكتب براحتي بالعربي .. وعلشان أكتب أسراري هنا .. علشان التانية ناس صحابي عرفني .. بس مش عايزاهم يعرفوا المرة دي إن دي أنا اللي هنا .. فاكتبلهم براحتي حتى لو مش بيقروا دي
:) يعني إيه عايشه في دنيتك ؟
يعني مخ بيفكر في أرواح الناس اللي حواليه .. بيفكروا زيي ؟؟؟ لاء يعني روحهم كده بتكلمهم إزاي في الوقت دا والثانية دي ؟؟ هل مكان قلبهم زي مكان قلبي ؟؟ أنا قلبي بحسه في قلبهم .. هما بيحسوا بإيه أو إزاي ؟ نفسي أرواحنا تتكلم بدل مانسمع أصواتنا .. عشان أنا روحي مخبية كتير .. وبتقول حاجات كتير .. مختلف عن اللي بقولوا .. عشان بخاف اللي قدامي يفهمني غلط أو يقول مالها دي ومال الكلام اللي أنا بقولوا ..
المكان ده لقيته حنين كده عليا .. محدش عارفني .. بس اللي يعرف روحك يقدرك .. واللي يعرف شكلك بس وكلامك دا بس يعرفك ..
تحياتي
:)
:)
posted by Bint at 5:02 AM
5 Comments:
مبروك ع المدونة الجديدة :)
مش عارفة ليه حاسة من كلامك انك حزينة مع انك لسة صغيرة عليه
دنيتك ساعات بتبقي لحسن من ناس كتير ولو فيه النهاردة تلعيق واحد بكرة يبقوا اتنين و 3 و 10 كمان
متستغجليش بكرة ييجي اليوم ده
أحمد : الله يبارك فيك ! أنت عرفت المدونة ازاي ؟
**********************
حياتي : دنيتي مش حزينة ولا حاجة .. بس بسأل نفسي ساعات .. هل الناس ليها روحها اللي بتتكلم زيي وبتحب بس مش بتعرف تتكلم .. ولا هو صوت بنسمعه وخلاص ؟
:)
انتوا عرفتوا المدونة منين بجد ؟
*******************
تحياتي :)
أنا عرفت خلاص :)
عرفت المدونة عن طريق متابعة جيدة لخانة مصر ف بطاقة من أنا بتاعتي :)
Post a Comment
<< Home